بعدك سبب حزني
مسيت بالخير يا اعز المخاليق بالخير******** كل الامل تبقى حياتك سعيده
أحلم بشوفك حلم عطشان للبير ************* وأحسب مسافات الليالي البعيده
بس المهم اتكون مرتاح وابخير ********* والا اللقا ملحوق وربك يجيبه
************************************************** ************************
لو قلت لي سر الحزن امكن اقاسمك فيو انا
ويمكن تساعدنا الظروف ونبدل الاحزان غنا
***
الي شفتو فى عينيك كتير موال حزن مليان شجون
مرات اقول امكن ظروف هى البدلت طبع العيون
ومرات اسافر فى الخيال ارجع معاي بحر الظنون
نسيتنى كل الناس معاك شهيتنى بسمة ريد حنون
***
عشان سواد عينيك انا اصبحت للاحزان حبيب
امسيت وحيد فى دنيتى انسان حزين عايش غريب
تلقانى بين الناس هنا ماليا غير عينيك نصيب
كيف ترضى لى الم العزاب وانت الحبيب انت القريب
***
صدقنى ياساحر العيون عينيكا ماشبه الضنا
سيب الدموع سيب العذاب انسى الليالى المحزنه
انسى الزمان الباع هواك جرب حلاوة الازمه
خليك ربيع مليان زهور فتح ورودك واحضنه
***
موضوع: بعدك سبب حزني 
الإثنين نوفمبر 30, 2009 2:17 am
